Qadın voleybolçular arasında Azərbaycan Yüksək Liqasında XI tura start verilib.
"Report"un məlumatına görə, turun ilk oyun günündə iki qarşılaşma baş tutub.
Əvvəlcə "Azərreyl" "Milli Aviasiya Akademiyası"nı 3:1 hesabı ilə məğlub edib. Ardınca isə "Murov Az Terminal" UNEC-i 3:0 hesabı ilə üstələyib.
Hər iki görüş Gənclər və İdman Nazirliyinin Voleybol Mərkəzində keçirilib.
Qeyd edək ki, XI tura sabah baş tutacaq "Gəncə" - "Abşeron" görüşü ilə yekun vurulacaq. Qarşılaşma Gəncə İdman Sarayında reallaşacaq.