Almaniya təmsilçisi "Bavariya"nın qapıçısı Manuel Noyer klubla müqavilə müddətini artırıb.
"Report" xəbər verir ki, bu barədə münhenlilərin mətbuat xidməti məlumat yayıb.
38 yaşlı qolkiperin yeni sözləşməsi 2026-cı ilin yayına qədər nəzərdə tutulub. Onun daha əvvəlki müqaviləsi 2025-ci ilin iyun ayında başa çatacaqdı.
Qeyd edək ki, Manuel Noyer 2011-ci ildən "Bavariya"da çıxış edir. O, komanda ilə birlikdə 11 dəfə ölkə, 5 dəfə Almaniya kubokunun və 2 dəfə Çempionlar Liqasının qalibi olub.