Bakıda təlim-məşq toplanışında olan Qazaxıstanın "Turan" kollektivi Azərbaycan klubları ilə iki yoxlama oyunu keçirib.
"QELEBE.AZ" xəbər verir ki, əvvəlcə "Dinamo" ilə qarşılaşan asiyalılar 31:27 hesablı qələbəyə seviniblər.
Daha sonra "Bakı" ilə üz-üzə gələn "Turan" məğlub olub. Qarşılaşma Azərbaycan klubunun 38:28 hesablı üstünlüyü ilə yekunlaşıb.
Qeyd edək ki, təlim-məşq toplanışına 25 həndbolçu ilə qatılan "Turan" komandası Bakıda daha əvvəl "Azəryol" komandası ilə qarşılaşıb.
“AHF Arena” İdman Kompleksində təşkil olunan yoxlama görüşü təmsilçimizin 34:28 hesablı qələbəsi ilə bitib.