Azərbaycanın kişi həndbolçulardan ibarət “Kür” komandası bu gün Avropa Kubokunda mübarizəyə başlayır.
“QELEBE.AZ” xəbər verir ki, II mərhələdən yarışa qoşulan təmsilçimiz Mingəçevirdəki Kür Olimpiya Tədris-İdman Mərkəzində Kiprin “Parnassos Strovolu” komandası ilə üz-üzə gələcək.
Xorvatiyalı hakimlər Stefan Berdiç və Filip Sorakın idarə edəcəyi qarşılaşma saat 17:00-da başlayacaq.
Qeyd edək ki, komandalar arasında cavab matçı da sabah Mingəçevirdəki Kür Olimpiya Tədris-İdman Mərkəzində keçiriləcək.