Səudiyyə Ərəbistanının "Əl-Nəsr" klubu Almaniya Bundesliqasında çıxış edən futbolçunu transfer edib.
"Report" klubun mətbuat xidmətinə istinadən xəbər verir ki, asiyalılar “Leypsiq”dən ayrılan Mohamed Simakanla anlaşıb.
24 yaşlı fransalı müdafiəçinin bu keçidi "Əl-Nəsr"ə 45 milyon avroya başa gəlib.
Portuqaliyalı ulduz futbolçu Kriştianu Ronaldunun da heyətində yer aldığı “Əl-Nəsr” Səudiyyə Ərəbistanı Pro Liqasında beşinci sırada qərarlaşıb.