Türkiyənin voleybol millisi Fransanın paytaxtı Parisdə keçirilən Yay Olimpiya Oyunlarında növbəti matçına çıxıb.
"QELEBE.AZ"un məlumatına görə, yığma 1/4 final mərhələsində Çin kollektivi ilə üz-üzə gəlib.
Qarşılaşma qardaş ölkənin qələbəsi ilə bitib - 3:2 (23:25, 25:21, 26:24, 21:25, 15:12).
Beləliklə, Türkiyə millisi yarımfinala vəsiqə qazanıb. Komanda bu raundda İtaliya - Serbiya cütünün qalibi ilə görüşəcək.
Qeyd edək ki, Paris-2024 avqustun 11-də başa çatacaq.