2002-ci ildən bəri İspaniya klubları və millisi böyük turnirlərin (UEFA Çempionlar Liqası, UEFA Avropa Liqası, dünya və Avropa çempionatları) finalında qeyri-ispan komandalarına qarşı oynadıqları bütün matçlarda (23) qalib gəlib.
"Report" xarici KİV-ə istinadən xəbər verir ki, İspaniya millisinin və klublarının qələbə seriyası 2002-ci ildə Çempionlar Liqasının finalında "Real"ın Almaniya təmsilçisi "Bavariya" üzərində qələbəsindən (2:1) sonra başlayıb.
İspaniya təmsilçiləri ilə bağlı sonuncu məğlubiyyət 2001-ci ildə Çempionlar Liqasının finalında - "Valensiya" - "Bavariya" (Almaniya) matçında qeydə alınıb. İtaliyanın Milan şəhərində keçirilən qarşılaşmanın əsas və əlavə vaxtı 1:1 hesabı ilə yekunlaşıb. Penaltilər seriyasında Münhen klubu daha dəqiq olub - 5:4.
Qeyd edək ki, İspaniya yığması Almaniyada keçirilmiş AVRO-2024-ün finalında İngiltərəni 2:1 hesabı ilə məğlub edib.