Azərbaycanı futzal üzrə UEFA Çempionlar Liqasında təmsil edəcək “Araz-Naxçıvan” klubu baş məşqçi Vitali Borisovla müqavilə müddətinin uzadılması ilə bağlı qərar verməyib.
Bunu “Report”a açıqlamasında klubun vitse-prezidenti Mahmud Sadıqov deyib.
O, baş məşqçi ilə danışıqlara başlamadıqlarını söyləyib. M.Sadıqov AFFA İcraiyyə Komitəsinin iclasında millinin baş məşqçisi kimi təsdiqlənəcəyi təqdirdə, V.Borisovun "Araz-Naxçıvan"la müqavilə müddətinin uzadılacağını nəzərə çatdırıb. Bununla yanaşı, klub rəsmisi məhz V.Borisovla yola davam etmək istədiklərini söyləyib.
Qeyd edək ki, V.Borisovun Azərbaycan millisi və onun baza klubu sayılan "Araz-Naxçıvan" ilə müqavilə müddəti başa çatıb.