Kifayət qədər intensivliyimiz yox idi və çox passivləşdik.
"QELEBE.AZ" UEFA-nın mətbuat xidmətinə istinadən xəbər verir ki, bunu Danimarka millisinin baş məşqçisi Kasper Hyulmand Avropa çempionatının qrup mərhələsinin I turunda qarşılaşdıqları Sloveniya ilə oyundan sonra deyib.
Mütəxəssis yaxşı şanslara rəğmən qol vura bilmədiklərini vurğulayıb: "Düşünürəm ki, ilk hissəni yaxşı keçirdik, lakin 70-ci dəqiqədən sonra bir qədər enerji itirdik. Yaxşı şanslarımız, əla əks-hücumlarımız oldu, lakin bunlardan istifadə edə bilmədik. Hər zaman enerji olmalıdır, amma bəzən futbol oyunlarında belə hallar yaşanır".
Qeyd edək ki, Sloveniya - Danimarka matçı 1:1 hesabı ilə başa çatıb.