Türkiyənin qadınlardan ibarət voleybol milli komandası ABŞ-də keçirilən FIVB Millətlər Liqasının (VNL) ikinci həftəsinin ilk oyununda Almaniyaya 3:1 hesabı ilə qalib gəlib.
“Report” xəbər verir ki, Texas ştatının Arlinqton şəhərində baş tutmuş matçda Almaniyaya 3:1 hesabı ilə qalib gələn millinin heyətində Melissa Varqas 23 xalla matçın ən sərrast oyunçusu olub.
Beləliklə, Türkiyə millisi VNL-dəki beşinci qarşılaşmasında üçüncü qələbəni qazanmış olub.
“Torun sultanları”nın ikinci həftə üzrə növbəti oyunu Serbiya millisinə qarşı olacaq.
Qeyd edək ki, türkiyəli voleybolçular Antalyada keçirilmiş VNL-in ilk həftəsində iki dəfə qələbə qazanıb, iki dəfə də məğlub olublar.