Azərbaycan II Liqasını 13-cü sırada başa vuran "Şəfa" klubu AFFA Region Liqasının ikincisi "Hypers" klubu ilə üz-üzə gəlib.
"Report" xəbər verir ki, 2024/2025 mövsümündə II Liqada mübarizə aparmaq uğrunda pley-off mərhələsinin ilk görüşü "ASCO Arena"da baş tutub.
Qarşılaşma "Hypers" kollektivinin 2:0 hesablı qələbəsi ilə yekunlaşıb.
Tərəflər arasında cavab görüşü iyunun 5-də gerçəkləşəcək.
Qeyd edək ki, iki oyunun nəticəsinə əsasən qələbə qazanan tərəf növbəti mövsüm Azərbaycan II Liqasında çıxış etmək hüququ qazanacaq.