Futbol üzrə Azərbaycan I Liqasında 2023/2024 mövsümünün mükafatlandırma mərasiminin vaxtı müəyyənləşib.
“QELEBE.AZ” Peşəkar Futbol Liqasının mətbuat xidmətinə istinadən xəbər verir ki, tədbir mayın 23-də baş tutacaq.
Çempion komandaya qızıl medallar və kubok mövsüm ərzində ev oyunlarını keçirdiyi stadionda təqdim olunacaq. Mükafatlandırma mərasimi məkandan asılı olmayaraq saat 17:00-da başlayacaq.
Qeyd edək ki, hazırda I Liqada turnir cədvəlinin ilk pilləsində 54 xalla “Şamaxı” qərarlaşıb. "Qaradağ Lökbatan" 53 xalla ikincidir. Azərbaycan çempionu sonuncu - XXVII turda müəyyənləşəcək.