Portuqaliya millisinin futbolçusu Kriştianu Ronaldu Səudiyyə Ərəbistanının "Əl-Nəsr" klubunda növbəti qollarını vurub.
"Report"un məlumatına görə, 39 yaşlı hücumçu yerli çempionatın XXV tur matçında het-trik edib.
Təcrübəli forvard 65, 67 və 87-ci dəqiqələrdə fərqlənib. O, cari mövsüm liqadakı qollarının sayını 26-ya çatdırıb.
Qeyd edək ki, "Əl-Nəsr" hazırda 59 xalla ikinci pillədə qərarlaşıb.