“Vüqar Həşimov Memorial-2023” superturnirində I turun cütləri bəlli olub.
“Report”un Qəbələyə ezam olunmuş əməkdaşının məlumatına görə, püşkatma mərasimi Heydər Əliyev Konqres Mərkəzində baş tutub.
Bu gün keçiriləcək I turda aşağıdakı cütlüklər üz-üzə gələcəklər:
Nicat Abbasov (Azərbaycan) - Yorden Van Forest (Niderland)
Vidit Santoş (Hindistan) - Teymur Rəcəbov (Azərbaycan)
Şəhriyar Məmmədyarov (Azərbaycan) - Rixard Rapport (Rumıniya)
Boris Qelfand (İsrail) - Arjun Eriqaisi (Hindistan)
Aydın Süleymanlı (Azərbaycan) - Rauf Məmmədov (Azərbaycan)
Qeyd edək ki, Vüqar Həşimov Şahmat Fondu, Gənclər və İdman Nazirliyi, Azərbaycan Şahmat Federasiyanın təşkilatçılığı ilə keçirilən 9-cu Vüqar Həşimov Memorialında şahmatçılar 8-10 dekabrda rapid, 11 dekabrda isə blits üzrə mübarizə aparacaqlar.
