"Baş məşqçinin tapşırıqlarını yerinə yetirməyə və meydanda vuruşmağa çalışacağıq".
"Report" xəbər verir ki, bunu Azərbaycan millisinin futbolçusu Emin Mahmudov Slovakiyaya qarşı keçirəcəkləri UEFA Millətlər Liqasının qrup mərhələsinin V tur oyunundan əvvəl mətbuat konfransında deyib.
30 yaşlı yarımmüdafiəçi rəqibə sürpriz hazırladıqlarını bildirib. Mahmudov komandada yaxşı əhval-ruhiyyənin olduğunu sözlərinə əlavə edib: "Yaxşı nəticə əldə etmək üçün meydana çıxacağıq".
Qeyd edək ki, sentyabrın 22-də Trnava şəhərində keçiriləcək qarşılaşma Bakı vaxtı ilə saat 22:45-də başlayacaq.