"Mançester Yunayted"in futbolçusu üçün mövsüm başa çatıb
https://qelebe.az//uploads/photo/manchester-yunaytedin-futbolchusu-uchun-movsum-basha-chatib.webp
Avstriya millisinin və İngiltərənin "Mançester Yunayted" klubunun futbolçusu Marsel Zabitser cari mövsümün qalan hissəsini buraxacaq.
"Report"un məlumatına görə, bu barədə italiyalı insayder Fabritsio Romano özünün sosial şəbəkə hesabında paylaşım edib.
O, 29 yaşlı yarımmüdafiəçinin menisk nahiyyəsindən xəsarət aldığını bildirib.
Qeyd edək ki, müqavilə ilə Almaniya "Bavariya"sına məxsus olan Marsel Zabitser "Mançester Yunayted"də icarə əsasında çıxış edir. Təcrübəli futbolçu cari mövsümün ikinci yarısında "qırmızı şeytanlar"ın heyətində 17 oyuna çıxıb, 3 qol vurub və 1 məhsuldar ötürmə edib.
Zabitserin Münhen klubu ilə 2025-ci ilin iyununadək müqaviləsi var.
