"Zirə"nin hücumçusu mövsümün qalan hissəsini buraxacaq
https://qelebe.az//uploads/photo/zirenin-hucumchusu-movsumun-qalan-hissesini-buraxacaq.webp
"Zirə"nin hücumçusu Vladislav Kulaç cari mövsümün qalan hissəsini buraxacaq.
"QELEBE.AZ"un məlumatına görə, bu barədə komandanın baş məşqçisi Rəşad Sadıqov evdə "Kəpəz"lə 1:1 hesablı heç-heçə etdikləri Azərbaycan Premyer Liqasının XXXIV tur oyunundan sonra açıqlama verib.
O, ukraynalı hücumçunun son iki turda meydana çıxmayacağını bildirib: "Yəqin ki, Kulaç üçün mövsüm bitdi. Onsuz da finişə cəmi 2 tur qalıb. Yeni mövsümə hazırlaşacaq".
Qeyd edək ki, "Kəpəz"lə oyunda zədələnən Vladislav Kulaç 17-ci dəqiqədə Toni Qomeslə əvəzlənib.
