Kurban Berdıyev: “Ona ikinci sarı vərəqə düşmürdü?”

Misli Premyer Liqasının VI turunda "Turan Tovuz" "Zirə"ni məğlub edib - 1:0.

Apasport.az xəbər verir ki, matçdan sonra qərblilərin baş məşqçisi Kurban Berdıyevin mətbuat konfransı keçirilib.

"Uşaqlara əzmkarlıqlarına görə təşəkkürümü bildirdim. Allaha da təşəkkür edirəm ki, futbolçulara kömək oldu və azarkeşlərə qələbə sevinci bəxş etdik".

- Sizin futbol fəlsəfənizə görə hakim sərt oyuna imkan verməlidir?
- Əgər hər iki tərəfə eyni dərəcədə yanaşılırsa, onda normaldır.

- Rəşad Sadıqov bildirdi ki, aut atışı zamanı bizə qarşı ədalətsizlik oldu. Bununla bağlı fikriniz necədir?
- "Turan Tovuz"un epizodu ilə bağlı heç nə demədi? Ruan Renato Jo Batistanı itələyəndə ikinci sarı vərəqə düşmürdü? Gəlin, oyun haqda danışaq.