"Borussiya" 2023-cü ildə bütün oyunlarda qələbə qazanan yeganə komandadır

Almaniyanın "Borussiya" (Dortmund) klubu 2023-cü ildə keçirdiyi bütün qarşılaşmalarda qalib gəlib.

"QELEBE.AZ"un məlumatına görə, keçirdiyi 8 görüşün hamısından qələbə qazanan Dortmund təmsilçisi "Top-5" liqalarda bunu bacaran yeganə komandadır.

Edin Terziçin baş məşqçisi olduğu kollektiv Bundesliqada "Auqsburq", "Maynts", "Bayer" (Leverkuzen), "Frayburq", "Verder" və "Herta"nı məğlub edib. Ölkə kubokunda "Bohum"u mübarizədən kənarlaşdıran "Borussiya" UEFA Çempionlar Liqasının 1/8 final mərhələsinin ilk oyununda İngiltərənin "Çelsi" klubunu üstələyib.

Qeyd edək ki, dortmundlular hazırda Bundesliqada 43 xalla 1-3-cü yerləri bölüşdürürlər. "Bavariya" və "Union" (Berlin) da eyni xala malikdir.