Abdulrəhman Hüseynli U-17 dünya çempionatına inamlı qələbə ilə başladı

Azərbaycanın yunan-Roma güləşçisi Abdulrəhman Hüseynli Bakıda keçirilən U-17 dünya çempionatına qələbə ilə start verib.

QELEBE.AZ xəbər verir ki, 51 kq çəki dərəcəsində çıxış edən idmançımız təsnifat mərhələsində qazaxıstanlı Kuanişbek Janqajolunu 9:0 hesabı ilə məğlub edərək növbəti mərhələyə yüksəlib.

Qeyd edək ki, U-17 dünya çempionatı Milli Gimnastika Arenasında keçirilir.

Yarışda 60-dan çox ölkədən 700-ə yaxın güləşçi mübarizə aparır. Azərbaycan mundialda 29 idmançı ilə təmsil olunur.