Dünya çempionatı: 5 güləşçimiz mübarizəyə başlayır

Bu gün Bakıda güləş üzrə 17 yaşadək idmançılar arasında dünya çempionatı start götürəcək.

Apasport.az xəbər verir ki, yarışın ilk günündə yunan-Roma güləşi üzrə qarşılaşmalar keçiriləcək.

Azərbaycan millisi bu gün 5 çəkidə mübarizəyə başlayacaq.

Təsnifat mərhələsi

55 kq Qurban Məcnunov – Alixan Minazarov (Qırğızıstan)

65 kq Orxan Həbibli – Qaspar Sançez (Çexiya)

80 kq İsfahan Həsənov – Toma Yelenç (Xorvatiya)

110 kq Emin Baxşəliyev – Andrey Simiç (Serbiya)

1/8 final

48 kq Ömər Salmanov – Avinaş Çetake (Hindistan)

Qeyd edək ki, Milli Gimnastika Arenasında təşkil olunan dünya çempionatında 60-dan çox ölkədən 700-ə yaxın yeniyetmə güləşçi iştirak edəcək. Azərbaycan mundialda 29 idmançı ilə təmsil olunur. Turnirə avqustun 2-si yekun vurulacaq.