İspaniya de la Fuente ilə davam etmək istəyir – Müqavilə uzadılır

İspaniya Futbol Federasiyası milli komandanın baş məşqçisi Luis de la Fuentenin müqaviləsini uzatmağı planlaşdırır.

QELEBE.AZ xəbər verir ki, bu barədə AS nəşri məlumat yayıb.

Mənbənin bildirdiyinə görə, hazırkı müqaviləsi 2028-ci ilin yayına qədər qüvvədə olan 64 yaşlı mütəxəssislə razılaşmanın 2030-cu ilədək uzadılması nəzərdə tutulur. Tərəflər arasında danışıqların müsbət yekunlaşacağı gözlənilir.

Qeyd edək ki, Luis de la Fuente 2022-ci ilin dekabrında İspaniya millisinin baş məşqçisi təyin olunub. O, yığmanı 2023-cü ildə UEFA Millətlər Liqasının, 2024-cü ildə Avropa çempionatının, 2026-cı ildə isə dünya çempionatının qalibi edib. İspaniya onun rəhbərliyi altında 2025-ci il Millətlər Liqasında da gümüş medal qazanıb.