Endirk “Lion”la vidalaşdı

Müqavilə ilə “Real Madrid”ə məxsus olan və icarə əsasında “Lion”da çıxış edən Endrik Fransa klubu ilə vidalaşıb.

Apasport.az xəbər verir ki, braziliyalı hücumçu bununla bağlı sosial şəbəkə hesabında paylaşım edib.

O, “Lion” fanatlarına minnətdarlığını bildirib və klubdan ayrıldığını söyləyib.

Qeyd edək ki, Braziliya millisinin üzvü bu mövsüm Liqa 1 təmsilçisinin heyətində çıxış etdiyi 18 oyunda 8 qol vurub, 7 məhsuldar ötürmə edib.