Ronaldu poker edib, komandası 3 xalı darmadağınla qazanıb

Portuqaliya millisinin futbolçusu Kriştianu Ronaldu formasını geyindiyi Səudiyyə Ərəbistanın "Əl-Nəsr" klubunda poker edib.

"Report"un məlumatına görə, səfərdə "Əl-Vəhdə"yə 4:0 hesabı ilə qalib gəldikləri matçda bütün qolları 38 yaşlı hücumçu vurub.

O, 21, 40, 51 və 61-ci dəqiqələrdə fərqlənib. Təcrübəli forvard 3-cü qola penaltidən imza atıb.

Qeyd edək ki, bu qələbədən sonra xallarını 37-yə çatdıran "Əl-Nəsr" liderliyini möhkəmlədib. 15 xalı olan "Əl-Vəhda" isə 13-cüdür.

Portuqaliya millisinin və Səudiyyə Ərəbistanın "Əl-Nəsr" klubunun futbolçusu Kriştianu Ronaldu indiyədək çıxış etdiyi ölkə çempionatlarında 500-cü qolunu vurub.

"Report" "Goal" nəşrinə istinadən xəbər verir ki, 38 yaşlı hücumçu buna Səudiyyə Ərəbistanı Peşəkar Liqasında "Əl-Vəhdə" ilə XVI tur oyununda fərqlənməklə nail olub.

21 və 40-cı dəqiqələrdə rəqib qapısına yol tapan təcrübəli forvardın ilk qolu yubiley xarakteri daşıyıb.

Qeyd edək ki, ilk hissədən sonra hesab "Əl-Nəsr"in xeyrinədir - 2:0.