Millimizin Gürcüstan sınağı

Futzal üzrə Azərbaycan milli komandası bu gün ikinci yoldaşlıq görüşünü keçirəcək.

Apasport.az xəbər verir ki, baş məşqçi Yevgeni Kukseviçin rəhbərlik etdiyi komanda yenidən Gürcüstan yığması ilə üz-üzə gələcək.

Görüş Tbilisi şəhərindəki İdman Sarayında saat 14:00-da başlayacaq.

Xatırladaq ki, bu komandalar arasında iki gün əvvəl keçirilmiş görüşdə meydan sahibləri 4:2 hesablı qələbə qazanmışdı.

Qeyd edək ki, hazırlıqlarını davam etdirən yığmamız aprelin 13-ü və 15-də Aktaü şəhərində Qazaxıstan millisi ilə yoldaşlıq oyunları keçirəcək.