Entso Fernandes futbol tarixinin ən bahalı 6-cı transferi olub

İngiltərənin “Çelsi” klubunun heyətinə cəlb etdiyi Argentina millisinin yarımmüdafiəçisi Entso Fernandes dünya futbol tarixinin ən bahalı 6-cı transferi olub.

“Report” xəbər verir ki, Premyer Liqa təmsilçisi bu keçid müqabilində Portuqaliya “Benfika”sına 121 milyon avro ödəyib.

Yeni komandası ilə 2031-ci ilin yayınadək müqavilə imzalayan 22 yaşlı yarımmüdafiəçi Premyer Liqa tarixinin isə ən bahalı oyunçusuna çevrilib.

Dünya futbol tarixinin ən bahalı 5 transferi:

1. Neymar (“Barselona”dan PSJ-yə) - 222 milyon avroya

2. Kilian Mbappe (“Monako”dan PSJ-yə) - 180 milyon

3. Usman Dembele (Dortmund “Borussiya”sından “Barselona”ya) - 140 milyon

4. Filipp Koutinyo (“Liverpul”dan “Barselona”ya) - 135 milyon

5. Joao Feliks (“Benfika”dan “Atletiko”ya) - 127,2 milyon.