Portuqaliyalı müdafiəçi İtaliyaya doğru

Səudiyyə Ərəbistanının “Əl-Hilal” klubunun futbolçusu Joao Kanselo karyerasını İtaliyada davam etdirə bilər.

QELEBE.AZ xəbər verir ki, 31 yaşlı müdafiəçi ilə "İnter" yaxından maraqlanır.

Bu barədə insayder Fabritsio Romano məlumat verib.

Milan təmsilçisinin rəhbərliyi Portuqaliya yığmasının üzvü ilə danışıqlara başlayıb. Hazırda onun icarə əsasında “İnter”də çıxış etməsi məsələsi müzakirə olunur.

Qeyd edək ki, "Əl-Hilal" Kanselonu 2024-cü ildə "Mançester Siti"dən 25 milyon avroya transfer edib.