Türkiyə Superkubokunun Püşkü Atılıb

Türkiyə Superkuboku oyunlarının püşkü atılıb.

QELEBE.AZ xəbər verir ki, püşkün nəticəsinə əsasən matçların keçiriləcəyi şəhərlər müəyyənləşib.

“Qalatasaray” – “Trabzonspor” arasında ilk yarımfinal görüşü gələn il yanvarın 5-də Qaziantep şəhərində baş tutacaq. “Fənərbaxça” – “Samsunspor” matçı isə yanvarın 6-da Adanada keçiriləcək.

Final oyunu yanvarın 10-da İstanbul Atatürk Olimpiya Stadionunda təşkil olunacaq. Bütün qarşılaşmalar Bakı vaxtı ilə saat 21:30-da start götürəcək.

Qeyd edək ki, Türkiyə Superkuboku tarixdə ilk dəfə 4 komandanın iştirakı ilə keçiriləcək.