"Qarabağ"-"Neftçi" oyununun bütün biletləri satılıb

Premyer Liqanın Zəfər Turu (Xl) çərçivəsində Azersun Arenada keçiriləcək "Qarabağ" - "Neftçi" oyunu üçün satışa çıxarılmış bütün biletlər satılıb.

APA xəbər verir ki, bu barədə “Qarabağ” futbol klubu məlumat yayıb.

Qarşılaşma 9 noyabr saat 18:44-də start götürəcək.

Qeyd edilib ki, qapılar azarkeşlər üçün oyunun start fitindən 90 dəqiqə əvvəl açılacaq.