Azərbaycanlı voleybol hakimi Türkiyə klubunun oyununa təyinat alıb
https://qelebe.az//uploads/photo/azerbaycanli-voleybol-hakimi-turkiye-klubunun-oyununa-teyinat-alib.webp
Azərbaycanın beynəlxalq dərəcəli hakimi Eldar Zülfüqarov növbəti dəfə Avropa Voleybol Konfederasiyasından təyinat alıb.
"Report"un məlumatına görə, o, Türkiyədə kişilərdən ibarət "Halkbank Ankara" və Bolqarıstanın "Hebar Pazardzhik" komandaları arasında keçiriləcək Çempionlar Liqasının B qrupunun oyununu idarə edəcək.
Qarşılaşmada ikinci dərəcəli referisi fransalı Chantal Kaiser olacaq.
Qeyd edək ki, görüş yanvarın 25-də Ankarada gerçəkləşəcək.
