Səfir: Braziliya futbolçuları Azərbaycanda oynamaqdan çox məmnundurlar

“Qarabağ” futbol klubu UEFA Çempionlar Liqasında yaxşı nəticələr göstərir. Məncə, bunun səbəbi braziliyalı futbolçulardır. Əlbəttə, hər kəs yaxşı oynayır, amma braziliyalı futbolçular lazım olan anda lazımi qolları vurublar. Braziliyalı oyunçuların Azərbaycan futbolunun inkişafına verdiyi töhfələri görməkdən çox şadam".

Bunu APA-ya müsahibəsində Braziliyanın Azərbaycandakı fövqəladə və səlahiyyətli səfiri Manuel Monteneqro bildirib.

“Bir neçə il öncə Braziliya Futbol Konfederasiyasının ideyası olaraq mən təklif etmişdim ki, gənc azərbaycanlıları bizim futbol məktəblərinə qəbul edək. Bu ideya inkişaf etdirilə bilər.

Təbii ki, peşəkar futbol klublarının öz işə götürmə praktikaları var. Eyni zamanda, Braziliya futbolçuları Azərbaycanda oynamaqdan çox məmnundurlar. Futbolçularla danışmışam, onlar Azərbaycana uyğunlaşdıqlarını və burada çox xoş qarşılandıqlarını söyləyirlər”, - səfir qeyd edib.