FHN-in voleybol komandaları dövlət qurumları arasında keçirilən yarışın qalibi olub
https://qelebe.az//uploads/photo/fhn-in-voleybol-komandalari-dovlet-qurumlari-arasinda-kechirilen-yarishin-qalibi-olub.webp
Bu gün Avropa Oyunları Parkında Gənclər və İdman Nazirliyi və Azərbaycan Voleybol Federasiyasının birgə təşkilatçılığı ilə dövlət qurumları arasında çimərlik voleybolu üzrə yarış keçirilib.
Bu barədə APA-ya FHN-nin mətbuat xidmətindən məlumat verilib.
Bildirilib ki, müxtəlif dövlət qurumlarının kişi və qadın komandalarının qüvvələrini sınadığı çempionatda iştirak edən FHN-in həm kişilər, həm də qadınlardan ibarət çimərlik voleybolu üzrə komandaları əzmkar mübarizə apararaq bütün rəqiblərinə qalib gələrək çempion adını qazanıblar.
Qaliblərə Gənclər və İdman Nazirliyinin diplom və medalları təqdim olunub.
