Yoldaşlıq oyunu: İsveç millisi əzmkar qələbə qazanıb

Azərbaycan millisinin 2024-cü il Avropa çempionatının seçmə mərhələsindəki rəqiblərindən olan İsveç millisi yoldaşlıq oyunu keçirib.

"QELEBE.AZ"un məlumatına görə, Skandinaviya təmsilçisi Portuqaliyadakı təlim-məşq toplanışında İslandiyanı sınağa çəkib. Görüş İsveçin əzmkar qələbəsi ilə yekunlaşıb - 2:1.

Hesabı 30-cu dəqiqədə İslandiya yığmasından Sveydn Qudyonsen açıb. İsveçlilər 85-ci dəqiqədə Elias Anderssonun qolu ilə tarazlığı bərpa ediblər. Son nöqtəni isə əsas vaxta əlavə olunmuş 4-cü dəqiqədə Yakob Ondreyka qoyub.

Qeyd edək ki, Azərbaycan millisi seçmə mərhələdə F qrupunda İsveçlə yanaşı, Belçika, Avstriya və Estoniya ilə də mübarizə aparacaq.