“Araz-Naxçıvan”ın rəqibi məğlub olub

UEFA Konfrans Liqasının II təsnifat mərhələsində "Araz-Naxçıvan"ın rəqibi olan "Aris"in yoxlama oyununda qüvvəsini sınayıb.

QELEBE.AZ xəbər verir ki, Saloniki təmsilçisi Niderlanddakı hazırlıq çərçivəsində “Anderlext”lə qarşılaşıb.

Görüş Belçika təmsilçisinin 1:0 hesablı qələbə ilə başa çatıb.

"Aris" bundan Şotlandiyanın "Livinqston" klubuna 1:3 hesabı ilə uduzub. Komandanın növbəti rəqibi iyulun 9-da yerli "Alkmaar" klubu olacaq.

Qeyd edək ki, "Araz-Naxçıvan"la "Aris" arasında mərhələnin ilk oyunu iyulun 24-də Bakıda keçiriləcək. Cavab görüşü isə 1 həftə sonra Yunanıstanda baş tutacaq.