"Qarabağ" klubunun üzvləri İmarət Kompleksində gedən işlərlə tanış olublar

“Qarabağ” klubunun futbolçuları, məşqçi heyəti və rəsmiləri işğaldan azad olunmuş daha bir bölgəyə yollanıblar.

“Report”un Qarabağ bölgəsinə ezam olunan əməkdaşının məlumatına görə, "köhlən atlar"ın və Gənclər və İdman Nazirliyinin birgə təşkilatçılığı ilə baş tutan səfər çərçivəsində növbəti görüş Ağdamda gerçəkləşib.

Yerli sakinlərin alqış və sevinc hissləri ilə qarşılanan kollektiv daha sonra İmarət Kompleksində gedən işlərlə tanış olub.

Qeyd edək ki, "Qarabağ" klubunun üzvləri bundan öncə Şuşada şəhər sakinləri, Şuşa 1 saylı tam orta məktəbin şagirdləri və Xankəndidə Qarabağ Univetsitetinin tələbələri ilə görüşüblər.