20 qat dünya çempionu faciəvi şəkildə vəfat edib

Motosiklet yarışları üzrə 20 qat dünya çempionu olmuş rusiyalı Nikolay Krasnikov faciəvi şəkildə vəfat edib.

"Report" xəbər verir ki, idmançı avtomobil qəzası nəticəsində həyatını itirib.

Onun idarə etdiyi avtomobil əks istiqamətdə hərəkətdə olan iki yük maşını ilə toqquşub. Hadisə yerinə təcili yardım avtomobili gəlsə də N.Krasnikovun həyatını xilas etmək mümkün olmayıb.

Qeyd edək ki, motosikletçi fərdi şəkildə 8, komanda yarışlarında isə 12 dəfə dünya çempionu adını qazanıb.