Mahir Məmmədov: "Göstərilən etimadı doğrultmağa çalışacağam"
https://qelebe.az//uploads/photo/mahir-memmedov-gosterilen-etimadi-dogrultmaga-chalishacagam.webp
Yenidən Azərbaycan Şahmat Federasiyasının (AŞF) prezidenti seçilən Mahir Məmmədov göstərilən etimadı doğrultmağa çalışacaq.
"QELEBE.AZ" xəbər verir ki, o, bu barədə hesabat-seçki konfransından sonra jurnalistlərə açıqlamasında bildirib.
Funksioner AŞF-nin üzvlərinə onu seçdikləri üçün təşəkkür edib:
"Konfransda çox vacib məsələlərə baxıldı. 2024-2025-ci illərin hesabatı dinlənildi. 2025-ci ilin büdcəsi təsdiqləndi. Vacib məsələlərdən biri də qurumun nizamnaməsində dəyişikliklərin edilməsi oldu. Vitse-prezidentlərin sayı, işin həcmi nəzərə alınaraq 2-dən 3-ə çatdırıldı. Faiq Həsənov, Bəxtiyar Məmmədov və Yaqub Hüseynov vitse-prezident seçildilər. Bundan əlavə, yeni İcraiyyə Komitəsi təsdiq olundu. Çox işçi heyəti formalaşdı. Qarşımızda duran vəzifələri icra etməyə başlayacağıq".
