Bəhreyn yığmasının futbolçusu: "Azərbaycan mundialın necə təşkil olunmasını bütün dünyaya göstərdi"

Azərbaycan mundialın necə təşkil olunmasını bütün dünyaya göstərdi.

Bunu "QELEBE.AZ"a açıqlamasında Bəhreyn yığmasının futbolçusu Əli Xəlifə Bakıda keçirilən minifutbol üzrə dünya çempionatı haqqında danışarkən deyib.

O, yarışın təşkilatçılığı barədə xoş ifadələr işlədib:

"Buna görə Azərbaycana təşəkkür edirəm. Hər şey çox yaxşı və yüksək səviyyədədir. Ölkəniz mundialın necə təşkil olunmasını bütün dünyaya göstərdi".

O, A qrupunun II turunda Mavritaniyaya uduzduqları oyunla (0:2) bağlı fikirlərini bölüşüb:

"İlk növbədə təşkilatçılara təşəkkür etmək istəyirəm. Azarkeşlərimizdən isə üzr istəyirəm. Bugünkü matçda yaxşı çıxış edə bilmədik. Növbəti görüşlərdə səhvlərimizi düzəldəcəyimizi demişdik. Bu dəfə bəzi fərdi səhvlər oldu. Üçüncü matçda əlimizdən gələni edəcəyik. Qrupdan çıxmağı planlaşdırırıq. İndi evə getmək istəmirik".

Əli Xəlifə Azərbaycan millisi haqqında da danışıb:

"Azərbaycan yığması tanınmış komandadır. Onlar dünya çempionatının ən yaxşı beş kollektivi sırasında yer alırlar".

Qeyd edək ki, Milli Gimnastika Arenasında təşkil olunan dünya çempionatına iyunun 1-də yekun vurulacaq.