“Qalatasaray” millinin üzvü ilə müqavilə yeniləyəcək

Türkiyə çempionu “Qalatasaray” futbolçusu Yunus Akgünlə müqavilə müddətini uzadacaq.

QELEBE.AZ xəbər verir ki, tərəflər bununla bağlı razılığa gəliblər.

Türkiyə millisinin üzvü ilə yaxın günlərdə 4 illik yeni müqavilə imzalanacaq. 24 yaşlı futbolçunun hazırkı müqaviləsi 2026-cı ilin yayında başa çatacaq.

Qeyd edək ki, Yunus Akgün bu mövsüm “sarı-qırmızılılar”ın heyətində 44 oyunda 12 qol və 14 məhsuldar ötürmə ilə yadda qalıb.