"Real"ın futbolçusu klublararası dünya çempionatında iştirak etməyəcək

İspaniyanın "Real" klubunun futbolçusu Endrik zədə səbəbindən klublararası dünya çempionatında iştirak etməyəcək.

"QELEBE.AZ" Madrid təmsilçisinin rəsmi saytına istinadən xəbər verir ki, ona sağ bud dizindəki oynaq vətərinin zədələnməsi diaqnozu qoyulub.

18 yaşlı braziliyalı La Liqanın XXXVII turunda, "Sevilya" ilə oyunun (2:0) ikinci hissəsində zədələnib. Futbolçu bu səbəbdən klublararası dünya çempionatını buraxmalı olacaq.

Qeyd edək ki, Endrik cari mövsüm meydana çıxdığı 37 matçda 7 qol vurub. O, ümumilikdə 847 dəqiqə meydanda olub.