Bu gün Bakıda minifutbol üzrə dünya çempionatına start veriləcək

Bu gün Bakıda minifutbol üzrə dünya çempionatına start veriləcək. 

QELEBE.AZ xəbər verir ki, ilk oyun günündə 8 qarşılaşma baş tutacaq. 

Açılış mərasimindən öncə qrup mərhələsinin 5 oyunu keçiriləcək. Turnirə Fransa - Çad qarşılaşması ilə start veriləcək. 

Daha sonra Macarıstan Türkiyəyə, Bolqarıstan Portuqaliyaya, Ukrayna İngiltərəyə, Slovakiya Hindistana qarşı mübarizə aparacaq. 

Saat 19:00-da turnirin açılış mərasimi keçiriləcək. Tədbirdə türkiyəli məşhur müğənni Aleyna Tilki və Azərbaycanın Xalq artisti Aygün Kazımova çıxış edəcəklər.

Mərasimdən sonra Azərbaycan millisi Bəhreyn yığması ilə üz-üzə gələcək. Qarşılaşma saat 20:30-da start götürəcək. 

Saat 21:45-də Rumıniya Özbəkistanı, 23:00-da isə Mavritaniya Sloveniyanı sınağa çəkəcək. 

Qeyd edək ki, bütün görüşlər Milli Gimnastika Arenasında baş tutacaq. 

Dünya çempionatı

Qrup mərhələsi

I tur

21 may

A qrupu
20:30. Azərbaycan - Bəhreyn
23:00. Mavritaniya - Sloveniya

B qrupu
09:15. Fransa - Çad
21:45. Rumıniya - Özbəkistan

C qrupu
10:30. Macarıstan - Türkiyə
13:00. Ukrayna - İngiltərə

D qrupu
11:45. Bolqarıstan Portuqaliya
14:15. Slovakiya - Hindistan