Premyer Liqa: "Qarabağ" bu gün "Kəpəz"lə üz-üzə gələcək

Misli Premyer Liqasının XXXV turunda bu gün ölkə çempionu "Qarabağ" "Kəpəz"lə üz-üzə gələcək.

"QELEBE.AZ" xəbər verir ki, "Azərsun Arena"dakı oyun saat 19:00-da başlayacaq.

Görüşün final fitinin ardından Ağdam təmsilçisinin mükafatlandırma mərasimi baş tutacaq.

83 xala malik "köhlən atlar" qızıl medalları özü üçün təmin edib. 32 xalla səkkizinci olan Gəncə təmsilçisinin isə Premyer Liqada qalacağı ötən tur rəsmiləşib.

Günün ikinci matçı "Neftçi" və "Səbail" arasında gerçəkləşəcək. Qarşılaşma saat 17:00-da "Neftçi Arena"da başlayacaq.

"Ağ-qaralar" 40 xalla altıncı sırada qərarlaşıb. 22 xala malik "dənizçilər" sonuncu - onuncudur.

"Qarabağ" - "Kəpəz" oyununda olduğu kimi, bu görüşdə də qeydə alınacaq istənilən nəticə klubların turnir cədvəlindəki mövqeyinə təsir etməyəcək.

Misli Premyer Liqası

IV dövr, XXXV tur

18 may

17:00. "Neftçi" – "Səbail"

Hakimlər: Nicat İsmayıllı, Zeynal Zeynalov, Şirmamed Mamedov, Emin Əliyev.

VAR: Cavid Cəlilov.

AVAR: Elvin Bayramov.

Hakim-inspektor: Zöhrab Qədiyev.

AFFA nümayəndəsi: Elman Musayev.

“Neftçi Arena”

19:00. "Qarabağ" – "Kəpəz"

Hakimlər: Rəvan Həmzəzadə, Cəmil Quliyev, Rəhman İmami, Rauf Cabarov.

VAR: Rəşad Əhmədov.

AVAR: Əli Əliyev.

Hakim-inspektor: Ömər Paşayev.

AFFA nümayəndəsi: Elgiz Abbasov.

“Azərsun Arena”

Qeyd edək ki, turun əvvəlki matçlarında "Turan Tovuz" səfərdə "Sumqayıt"ı, "Araz-Naxçıvan" "Şamaxı"nı 1:0 hesabı ilə məğlub edib. "Zirə" – "Sabah" qarşılaşmasında isə qalib müəyyənləşməyib - 1:1.