"Liverpul" Niderland millisinin futbolçusu ilə razılıq əldə edib

İngiltərənin "Liverpul" klubu Almaniya təmsilçisi "Bayer 04"də çıxış edən Ceremi Frimponqla anlaşıb.

"QELEBE.AZ" xəbər verir ki, bu barədə məşhur insayder Fabritsio Romano məlumat yayıb.

O, tərəflərin bütün məsələlərdə razılıq əldə etdiyini yazıb. Mersisayd təmsilçisi Niderland millisinin üzvü üçün Leverkuzen klubuna 35-40 milyon avro ödəyəcək.

Qeyd edək ki, 24 yaşlı cinah müdafiəçisi cari mövsüm bütün turnirlərdə "Bayer 04" forması ilə 48 oyuna çıxıb, 5 qol və 12 məhsuldar ötürmə ilə yadda qalıb.