"Liverpul" dünya çempionatından əvvəl futbolçusunu "Real"a göndərmək niyyətində deyil

İngiltərənin "Liverpul" klubu futbolçusu Trent Aleksander-Arnoldun vaxtından əvvəl İspaniya təmsilçisi "Real"a getməsinə icazə vermək fikrində deyil.

"QELEBE.AZ" xəbər verir ki, bu barədə "The Sun" nəşri məlumat yayıb.

Bildirilib ki, mersisaydlılar klublararası dünya çempionatından əvvəl 26 yaşlı oyunçunun bu komandaya keçməsi müqabilində bir milyon avrodan imtina edib.

Qeyd edək ki, mövsümün sonunda "Liverpul"dan ayrılacağını açıqlayan Trent Aleksander-Arnoldun müqaviləsinin müddəti iyunun sonunda başa çatacaq. Klublararası dünya çempionatı 15 iyun – 13 iyul aralığında ABŞ-də keçiriləcək.