Atletlər Komissiyasına üzv seçilən güləşçi: "Şərəfli vəzifənin öhdəsindən gəlməyə çalışacağam"
https://qelebe.az//uploads/photo/atletler-komissiyasina-uzv-sechilen-guleshchi-sherefli-vezifenin-ohdesinden-gelmeye-chalishacagam.webp
Azərbaycanın yunan-Roma güləşçisi Rafiq Hüseynov Milli Olimpiya Komitəsinin (MOK) Atletlər Komissiyasına üzv seçilməsinə münasibət bildirib.
"Report" xəbər verir ki, 36 yaşlı idmançı bu barədə şəxsi instaqram hesabında yazıb.
Təcrübəli güləşçi onun üçün xüsusi və qürurverici gün olduğunu bildirib:
"Rəsmi olaraq Atletlər Komissiyasına üzv seçildim. Bu məsuliyyətli və eyni zamanda şərəfli vəzifənin öhdəsindən layiqincə gəlməyə çalışacağam. İdmançıların səsini çatdırmaq, onların hüquqlarını qorumaq və daha sağlam idman mühitinin qurulmasına töhfə vermək üçün əlimdən gələni edəcəyəm. Etimad göstərən hər kəsə təşəkkür edirəm".
