"Qəbələ"nin meneceri Avropa Klublar Assosiasiyasının təşkil etdiyi proqramı uğurla tamamlayıb

"Qəbələ"nin meneceri Bəxtiyar Vaqifzadə Türkiyənin "Başakşehir" klubu və Avropa Klublar Assosiasiyası (ECA) tərəfindən təşkil olunan “Peşəkar Futbol İdarəetməsi” proqramını uğurla tamamlayıb.

Klubdan "Report"a verilən məlumata görə, 4 ay davam edən proqram çərçivəsində iştirakçılar idarəetmə, skautinq, marketinq, gənclərin inkişafı, dayanıqlılıq və maliyyə kimi futbolun əsas sahələri üzrə dərin bilik və təcrübə qazanıblar.
⠀
İstanbulda baş tutan məzuniyyət mərasimində "Qəbələ" rəsmisinə diplom "Başakşehir"in baş məşqçisi Çağdaş Atan tərəfindən təqdim edilib.