Ölkə birinciliyində komanda yarışları başa çatıb

Stolüstü tennis üzrə ölkə birinciliyində komanda yarışlarına yekun vurulub. 

Apasport.az xəbər verir ki, "Şüa" idman kompleksində keçirilən yarışda 2006-2009-cu il, 2010-cu il və daha kiçik təvəllüdlü idmançılar iştirak ediblər. 

Gərgin və maraqlı mübarizənin nəticələrinə əsasən, 19 yaşadək qızlar arasında Sümqayıt-1 kollektivi birinci yeri tutub. Bakı-1 ikinci, Şabran və Sumqayıt-2 üçüncü pillədə qərarlaşıb.

19 yaşadək oğlanların yarışında baş mükafata Bakı-1 komandası layiq görülüb. Sumqayıt kollektivi ikinci, Şabran və Bakı-2 üçüncü yeri tutub.

U-15 yaş dərəcəsində qızların mübarizəsi Sumqayıt-1 komandasının qələbəsi ilə nəticələnib. Bakı-1 ikinci, Sumqayıt-2 və Sumqayıt-3 üçüncü pillədə yer alıb.

15 yaşadək oğlanların yarışından isə Şabran idmançıları qalib ayrılıblar. Bakı-1 ikinci, Sumqayıt-1 və Sumqayıt-2 komandası üçüncü yeri tutub.