"İnter"in futbolçusu Çempionlar Liqasında yeni nailiyyətlərə imza atıb

İtaliyanın "İnter" komandasının futboçusu Denzel Dyumfris UEFA Çempionlar Liqasında (ÇL) yeni nailiyyətlərə imza atıb.

"QELEBE.AZ" Beynəlxalq Futbol Tarixi və Statistikaları Federasiyasının saytına istinadən xəbər verir ki, 29 yaşlı müdafiəçi buna "Barselona"ya qarşı yarımfinal mərhələsinin ilk oyununda dubl etməklə nail olub.

O, Milan təmsilçisinin heyətində qitənin bir nömrəli klub turnirində bu raundda iki qol vuran ilk oyunçudur. Bundan əlavə, Dyumfris ÇL-də bir qarşılaşmada "Barselona"nın qapısına iki dəfə yol tapan ilk müdafiəçidir.

Qeyd edək ki, "Barselona" - "İnter" matçı 3:3 hesabı ilə bitib. Tərəflər arasında cavab görüşü mayın 6-da baş tutacaq.