"Real" braziliyalı futbolçu ilə yollarını ayıra bilər

İspaniyanın "Real" klubu yay transfer dönəmində futbolçusu Rodriqo ilə yollarını ayıra bilər.

"QELEBE.AZ" xəbər verir ki, bu barədə "El Chiringuito TV" məlumat yayıb.

Paytaxt təmsilçisi 24 yaşlı vinger üçün yaxşı təklif gələcəyi təqdirdə onunla vidalaşacaq. Braziliyalı oyunçunun ümidləri doğrultmadığı bildirilib.

Qeyd edək ki, Rodriqo 2019-cu ildən "Real"ın formasını geyinir. O, "Kral klubu"nun heyətində 267 matçda 68 qol, 50 məhsuldar ötürmə ilə yadda qalıb.