Ronaldu: Asiya Çempionlar Liqasının 1/4 final matçına hazıram

“Əl-Nassr”ın hücumçusu və kapitanı Kriştianu Ronaldu “X” sosial şəbəkəsindəki hesabında Asiya Çempionlar Liqasının 1/4 final mərhələsində bu gün, aprelin 26-da Yaponiyanın “Yokohama F.Marinos”la keçiriləcək oyundan əvvəl paylaşım edib.

"Hazıram", - Ronaldu yazıb.

Qırx yaşlı forvard cari mövsüm bütün turnirlərdə 36 matçda iştirak edib, 32 qol vurub və 4 məhsuldar ötürmə edib. Ronaldunun klubla hazırkı əmək müqaviləsi 2025-ci ilin yayına kimi nəzərdə tutulub. “Transfermarkt” portalında verilən məlumata görə, futbolçunun bazar dəyəri 12 milyon avrodur.